O Museo MAN acolleu esta mañá a inauguración dunha exposición da Fundación Vicente Ferrer baixo o título ‘De Anantapur a Camelle pasando por el Mediterráneo’, o traballo artístico da III Ruta da Arte de Anantapur, un proxecto solidario que dá visibilidade ao traballo da Fundación Vicente Ferrer a través da creación plástica.

O Museo MAN albergará o vindeiro sábado, 26 de setembro, unha exposición da Fundación Vicente Ferrer baixo o título ‘De Anantapur a Camelle pasando por el Mediterráneo’, o traballo artístico da III Ruta da Arte de Anantapur, un proxecto solidario que dá visibilidade ao traballo da Fundación Vicente Ferrer a través da creación plástica. A inauguración será o vindeiro sábado, 26 de setembro, no propio Museo e ás 12:00 horas. Será obrigatorio o uso de máscara sanitaria e o Concello porá a disposición das persoas asistentes xel hidroalcólico para a correcta desinfección das mans.

A proposta do Museo MAN chegará a vindeira semana ao VI Congreso Internacional Científico-Profesional de Turismo Cultural de Córdoba, baixo a proposta ‘Museo MAN: Dinamizador turístico da Costa da Morte’, que será exposta por Andrea Serodio, responsable do Museo, e Carmen Hermo, da Universidade de Vigo, o xoves 20 de febreiro na mesa moderada por Rogelio Martínez.

A asociación cultural Dequenquén co patrocinio da Deputación de A Coruña e a colaboración do Concello de Camariñas, organiza as actividades denominadas MarArteNaufraxios vencelladas a figura de Man, co aniversario do seu pasamento e o entorno no que desenvolveu a súa vida cunha exposición sobre naufraxios en A Costa da Morte.

Desde o 17 de novembro ata o 16 de decembro o museo Man de Camelle acollerá a exposición ‘Viento y Mar’, unha mostra colectiva na que diferentes autores interpretan este concepto a través da pintura, a fotografía e os abanicos. A exposición está organizada en colaboración coa Conselleria de Cultura, Participació i esports de Baleares e o Institut d’estudis baleàrics grazas ao vínculo existente con Antoni Torrres Martorel, unha persoa moi vencellada ao noso municipio desde o desastre do Prestige.

O soño de toda unha vida feito realidade. O amor a unha vila plasmado nun traballo de alto voltaxe doctrinal. O respeto á historia e ás tradicións como fío vector. Despois de 15 anos, a gran obra pola que Xosé Troiano pasará á historia da Vila das Palilleiras en letras maiúsculas, xa é unha realidade. Complemento e profundización de obras anteriores e lexendarias como o libro dos naufraxios de Baña Heim ou o imprescindible "Camariñas, Terra de Palilleiras" de Xosé Luis Blanco Campaña, este "Camariñas, Corazón da Costa da Morte" está chamado a marcar un punto de non retorno en todo o referente á historiografía da Vila dos Encaixes: pola súa pulcritude, a súa exhaustividade, o seu rigor e por un amor profundo que non afecta en absoluto á obxectividade e imparcialidade do libro. Na hora do cumprimento do soño, Xosé Troiano ten un recordo respetuoso por Estanislao Fernández de la Cigoña, director da Asociación Galega para a Cultura e a Ecoloxía (AGCE), editora da obra, e emocionado por Isabel e Carmen Carril, irmá e nai, que encheron dun amor indeleble por Camariñas xa dende o berce a aquel pequeno rapaz cuia familia rexentaba un humilde café bar na Carretera do Faro e que estaba chamado a ser un día o gran historiador da Vila das Palilleiras.

Rematamos este mes de xaneiro o ciclo de monólogos do Concello de Camariñas coa actuación estelar do gran actor e monologuista Manuel Manquiña. Coñecido polo gran público por éxitos do cine español como Air Bag, ofrecerá este sábado 13 de xaneiro ás 21:00 horas na Casa de Pedra un espectáculo desternillante único en Camariñas. Para todos aqueles que desexen asistir ao show que Manquiña nos ten preparado poden comprar as entradas na biblioteca municipal de Camariñas ao módico prezo de 3 euriños. E aínda que a función non é apta para o público infantil os papás que desexen asistir disporán na mesma biblioteca dun servizo de gardería totalmente gratuito. Avanzamos que o humor e as carcaxadas continuarán en Camariñas e así podemos adiantarvos que en breve contaremos ca presencia do humorista Pedro Brandariz como presentador do concurso de comparsas o próximo martes 13 de febreiro, martes de entroido. Pero como sole decirse, ata aquí podemos contar, porque o carnaval 2018 do Concello de Camariñas será todo un espectáculo único digno de vivir. Proximamente seguiremos informando.

Co gallo do recentemente creado Día da Biblioteca, a nosa de Camariñas organiza un interesante evento de temática científica con efectos especiais, bo humor e participación activa do público. O 24 de outubro a eso das 6 da tardiño, o showman e espcialista en efectos especiais Vicente Mohedano, conducirá o espectáculo "Cando o Sol se deita", dirixido a nenos de 7 a 12 anos que poderán participar activamente neste show e pasalo bomba ademáis de aprender. O espectáculo terá unha duración de 70 trepidantes minutos e a entrada será gratuita para todos aqueles nenos que queiran asistir a este espectáculo único no concello. Ademais, dende a biblio e a concellalía de cultura queren comunicarnos que durante a semana do 23 ao 27 de outubro a biblioteca agasallará cun libro as persoas que fagan uso do servizo de préstamo que fai xa uns anos ten preparado o concello de Camariñas. Pois nada, aquí en Camarinas.eu, coma sempre, totalmente volcados coa cultura. Animádevos a participar!

Este sábado celebrouse en Camelle o 1º Encontro de Man ao que asistiron persoeiros do mundo da cultura coma o escritor Suso de Toro, que ven de publicar un novo libro sobre o presidente do Goberno (Madera de Zapatero), que estivo profundamente interesado na iniciativa de camarinas.eu; Antón Sobral un dos impulsores e artífices da iniciativa, que lucía un pintoresco sombreiriño (ao estilo de Beiras); Xoán Abeleira, o cal pese a xa ter a súa idade lucía unha chiviña moi xuvenil; o director do filme documental sobre Man Bernardo Cerquera, gran coñecedor de todo o que teña que ver con Man; o suposto actor Miguel de Lira, bastante sobreactuado en todo momento e que ninguén sabía moi ben que pintaba alí; procedente de Baio, Jorge Mira, Director do Departamento de Física Aplicada da USC, máis coñecido como colaborador do famoso programa de sobremesa da TVG no que tamén está presente Yolanda Castaño, e un longo etcétera de intelectuales que participaron nas diferentes charlas que tiñan como eixo fundamental o análise da vida e obra de Man.