• Papá Noel visitará todas as parroquias do Concello de Camariñas

    Papá Noel, ese entrañable gordinflón tan querido polos nenos nestas derradeiras navidades, estará en Camariñas e o concello habilitou un espazo para que instale a súa caseta de madeira en todas as parroquias do concello. Este mércores San Claus comezará as súas entrevistas cos nenos en Camariñas, na Praza do Concello a partires das 18:00 horas deste tarde. En Arou pasará revista aos nenos este xoves 20 de nadal. O venres será o turno dos pequerrechos de Camelle. O sábado Papá Noel visitará a Ponte do Portol e finalmente o noso querido gordinflón entrevistarase cos máis pequenos da parroquia de Xaviña. En todas as parroquias Papá Noel comezará a recibir aos nenos e nenas do Concello de Camariñas dende as 18:00 horas finalizando así ás 20:00 horas de cada día nos que Santa Claus se atope en Camariñas. Despois o noso entrañable Papa Noel continuará a súa visita a todos os nenos do mundo. E vos? Portástedevos ben? Chega a Navidad!
  • O Concello de Camariñas presentará un plan de obras de máis de 500.000 euros

    O Concello de Camariñas levará ao pleno extraordinario de decembro que se celebrará mañá, mércores 19, a aprobación do Plan Único de concellos POS+ 2019 da Deputación da Coruña que utilizará para levar a cabo diferentes proxectos no municipio valorados en 551.391,98 euros.
  • O Concello de Camariñas solicita á Xunta de Galicia máis transparencia no reparto das axudas a entidades locais

    O Concello de Camariñas celebrou, a semana pasada, unha nova sesión plenaria na que o grupo socialista presentou unha moción para solicitar á Xunta de Galicia unha maior transparencia no reparto de axudas a entidades locais. O documento pedía, ademais, unha maior autonomía para que os concellos poidan decidir cales son as actuacións máis necesarias no seu municipio. Tal e como sinala a proposta, os concellos son a administración máis próxima á cidadanía e, polo tanto, a que mellor coñece as necesidades dos veciños e veciñas.
  • Camariñas inaugura o Nadal co acendido da iluminación e cun encontro de corais

    O Concello de Camariñas inaugurará este xoves 6 de decembro, as festas do Nadal, e farao por medio do acendido da iluminación e do VI Encontro de Corais. Así, a praza da Insuela acollerá, ás 18.00 horas, o prendido das luces do Nadal. Como parte do acto levarase a cabo tamén un encontro de corais no que actuarán a Polifónica San Salvador de Pazos, a Rondalla de Cariño e a agrupación Brisas do Mar de Camariñas.  Desde o Concello animan a todos os veciños e veciñas a tomar parte nesta actividade que suporá o inicio das festas de Nadal no municipio camariñán.
  • Camariñas tínguese de negro contra as violencias

    O Concello de Camariñas súmase un ano máis a campaña ‘En Negro contra a violencia’, e tinguirá o municipio de negro para tratar de concienciar e erradicar da sociedade a lacra da violencia de xénero, polo ‘Día Internacional Contra a Violencia de Xénero’ do 25 de novembro. Neste ano a campaña está centrada nos establecementos hostaleiros do municipio, que están a tinguir os seus espazos de negro coa cartelería aportada polo Concello. Por outra banda, este venres 23 de novembro, o Concello de Camariñas levará a cabo unha manifestación en cada centro educativo da contorna. Ás 11:00 da mañá terá lugar no CEIP Ponte do Porto, ás 12:45 no IES Plurilingüe Pedra da Aguia e finalmente no CEIP O Areal ás 13:30.
  • O Concello de Camariñas únese un ano máis á campaña En negro contra a violencia

    O Concello de Camariñas continúa traballando contra a violencia de xénero, unha lacra social desta sociedade. Hoxe, luns 12 de novembro, a alcaldesa de Camariñas, Sandra Ínsua Rial, desprazouse ata Santiago de Compostela para asinar o protocolo EN NEGRO CONTRA A VIOLENCIA.
  • O Concello de Camariñas substitúe 45 luminarias por eficientes luces LED en Dor

    O Concello de Camariñas, consciente da problemática do consumo desmesurado de electricidade, continúa coa súa política de aforro enerxético. Agora, acaba de rematar de substituír un total de 45 luminarias por tecnoloxía LED no lugar de Dor, na Ponte do Porto, unha actuación valorada en 7.094,84 euros.
  • O Concello de Camariñas destina 119.000 euros á mellora de estradas e do alumeado público

    Proximamente o Concello de Camariñas sacará a licitación tres proxectos de mellora de estradas e alumeado público valorados, en total, en 119.933,09 euros dos que 114.206,08 euros están financiados con cargo ao POS+ adicional da Deputación da Coruña e 5.727,01 euros proveñen das arcas municipais.
  • A Xunta Local de Seguridade de Camariñas celebrarase o 22 de outubro

    A alcaldesa de Camariñas, Sandra Insua, solicitou á subdelegación de goberno a convocatoria da Xunta Local de Seguridade para tratar diferentes asuntos que inciden na calidade de vida dos veciños de Camariñas, que se convocou inicialmente para o próximo luns, 22 de outubro ás 11 horas.
  • O Concello de Camariñas renova 102 luminarias na parroquia de Xaviña para mellorar a eficiencia enerxética

    Finalizan os traballos de renovación dun total de 102 luminarias nos núcleos da Grela, Tasaraño e Costa, na parroquia de Xaviña. Unha actuación valorada en 33.068,61 euros que está financiada polo Fondo de Compensación Ambiental da Xunta de Galicia. Hoxe tivo lugar a recepción de obra por parte do Concello de Camariñas, á que asistiron a alcaldesa, Sandra Insua; o concelleiro de Urbanismo, Juan Carlos Canosa e o concelleiro de Medio Ambiente, Sergio Caamaño.
  • Os campamentos de verán do Concello de Camariñas afiánzanse ano tras ano

    No momento que se está a piques de pasar o Ecuador do Obradoiro, que está a levar a cabo o Concello de Camariñas, nas dúas primeiras quendas levan participado nel, 145 rapaces e rapazas nados entre os anos 2014 e 2004, ambos incluídos.
  • O Concello de Camariñas declara a guerra contra a vespa velutina

    O Concello de Camariñas instala 100 trampas para vespa velutina. O obxectivo é atrapar as raíñas que viven entre marzo e xullo antes que fagan os niños.  Segundo Xesús Asorey, biólogo da Asociación Galega de Apicultores (AGA) “cada vespa velutina que se colla nesa época é un niño menos que vai aparecer despois”.
  • Continúan os talleres de igualdade do Concello de Camariñas no CEIP O Allo da Ponte do Porto

    A semana do 26 de Febreiro comezaron os talleres no CEIP de Ponte do Porto, por parte da Técnica de Igualdade contratada polo Concello de Camariñas. Os obradoiros van encamiñados a realización de diferentes actividades para o alumnado de 5º e 6º de Educación Primaria e 4º, 5º e 6º de Educación Infantil. Todas as actividades teñen como fío condutor o 8 de Marzo, Día Internacional da Muller.
  • Esta fin de semana inaugúrase a Área de Autocaravanas do Ariño en Xaviña

    A praia do Ariño conta dende hai un tempo cunha area de servizos para autocaravanas. Está é un área pública e gratuíta, aberta todo o ano, que acolle a familias e visitantes que utilizan este medio de transporte para coñecer Camariñas e a Costa da Morte.
  • Os nenos de Camariñas coñecen o concello irmán de La Turballe

    Camariñas comezou na Biblioteca Municipal o programa de animación á lectura coa actividade O Berberecho Rebecho visita La Turballe. Dende o 23 de xaneiro ao 20 de marzo os nenos e nenas de 3 a 6 anos e aos seus proxenitores coñeceran as diferenzas e similitudes da localidade francesa coa vila camariñá. Entre as actividades realizadas está a elaboración dun pequeño conto ilustrado que ten como protagonista a mascota da biblioteca municipal de Camariñas, O Berberecho Rebecho, unha visita virtual de La Turballe, unha sesión gastronómica de elaboración de crêpes cubertas de caramelo con manteiga salgada, difusión de receitas e cultura gastronómica da poboación veciña, xogos de cartas infantís con símbolos nas linguas dos dous países, exposición de material bibliográfico da localidade francesa e outras. 
  • O Concello de Camariñas e Cáritas Diocesana de Santiago colaboran na recollida de roupa

    O Concello de Camariñas ven de asinar un convenio con Cáritas Diocesana de Santiago para a recollida e tratamento do residuo textil.  Así, instaláronse tres contedores onde os veciños interesados poderán depositar a roupa que queiran doar. Esta despois será clasificada por Arroupa, unha empresa colaboradora de Cáritas. Se a roupa é reutilizable entregarase a persoas que a necesitan, enviarase a terceiros países ou venderase nas tendas de segunda man. Se non é reutilizable enviarase a plantas de reciclaxe. Os contedores están situados en Camariñas, fronte a Casa do Concello, en Xaviña, na praza da Igrexa e en Camelle, na Area do Bote. Estes complementarán aos outros puntos que xa existen no Concello de Camariñas, como son o da casa do Cura de Camariñas, tamén de Cáritas, e na Ponte do Porto o de Equus Zebra preto da gasolineira e o do Eroski.
  • Os rapaces de Camariñas terán transporte gratis para asitir á Feira de Emprego da Cámara de Comercio da Coruña

    O servizo de orientacion laboral dos concellos de Camariñas e Vimianzo está a organizar en colaboración coa Cámara de Comercio a visita á Feira de Emprego que terá lugar o dia 1 de marzo na Coruña. Esta feira ofrece á mocidade desempregada contacto directo con empresas que buscan persoal para contratar e ás que pode entregar curriculum e mesmo facer entrevistas persoais. Tamen haberá seminarios, conferencias e obradoiros e asesoramento de profesionais de recursos humanos para mellorar as competencias persoais e o perfil profesionale da mocidade
  • Camariñas presenta a Mostra do Encaixe na Casa de Galicia de Madrid

    O Concello de Camariñas presentou esta mañá o cartel da XXVIII Mostra do Encaixe ao delegado da Xunta de Galicia na capital, José Ramón Ónega López. O concello, inmerso na promoción da Mostra 2018, estivo representado no acto polo alcalde camariñán, Manuel Valeriano Alonso e a concelleira da Mostra, Sandra Insua. Durante a presentación, que tivo lugar na Casa de Galicia e sede institucional da Xunta en Madrid, deuse a coñecer a programación do certame e puxéronse a disposición dos asistentes invitacións para a Mostra do Encaixe 2018, que levará a cabo esta semana Santa, entre os días 29 de marzo e 1 de abril. 
  • Novo servizo de recollida de cartón desde o Concello de Camariñas para os establecementos comerciais

    A partir deste mércores 24 de xaneiro, o Concello de Camariñas vai a poñer en funcionamento un novo servizo municipal de recollida de papel e cartón porta a porta a demanda nos establecementos comerciais do noso concello. A recollida realizarase cada 15 días, sempre en mércores. 
  • Novas axudas para as familias que desexen ter fillos no ano 2018

    A Consellería de Política Social convoca axudas económicas, a través da tarxeta benvida, para as familias que no ano 2018 teñan unha/un filla/o, adopten ou estean en situación de garda con fins adoptivos dunha nena ou neno nados en 2018. A Finalidade destas subvencións a familias é conceder unha axuda económica para que estas familias que teñan fillas ou fillos, tanto por natureza como por adopción, nados entre o 1 de xaneiro e o 31 de decembro do ano 2018. Tamén se poderán beneficiar as/os galegas/os e os seus descendentes, que tendo residido fóra de España, retornen a Galicia durante o ano 2018.