O 27 de agosto o Concello de Camariñas anunciou as ofertas de emprego para 4 peóns e un técnico de Medio Ambiente. Este grupo foi solicitado polo Concello, entre outros máis que non foron concedidos, á Xunta de Galicia dentro dos programas de Cooperación.Hoxe (03/09/2012) publícase no taboleiro da Casa do Concello de Camariñas o anuncio, as bases e os candidatos preseleccionados polo Servizo Público de Emprego de Galicia para as 4 prazas de peón e a praza de técnico de Medio Ambiente.

O próximo martes 4 de setembro a unidade móbil de doazón de sangue estará Camelle. Situarase ao carón da Lonxa coma sempre e abrirá pola tarde de 16:30 ás 21:00. O mércores 5 de setembro a unidade móbil estará na Ponte do Porto. Situarase ao carón do Centro de Saúde coma sempre e abrirá pola tarde tamén de 16:30 ás 21:00. Hoxe 500 persoas dependen de ti. Dende o Concello de Camariñas instamos a tódolos veciños a colaborar nesta causa. Moitas gracias.

Sergio Caamaño Fernández
Concelleiro de Urbanismo e Desenvolvemento Local
Concello de Camariñas.

ANUNCIO DO CONCELLO DE CAMARIÑAS DE PROCEDEMENTO DE  SELECCIÓN PARA A CONTRATACIÓN DUN/dunha AUXILIAR doméstico/a DO Servizo de Axuda No FOGAR

PROCEDEMENTO ABERTO CON MULTIPLICIDADE DE CRITERIOS DE VALORACIÓN PARA A ADXUDICACIÓN DAS OBRAS COMPRENDIDAS NO PROXECTO DENOMINADO “MODIFICADO DO PROXECTO BÁSICO E DE EXECUCIÓN DE CONSTRUCCIÓN DE EDIFICIO PARA TANATORIO MUNICIPAL”

ANUNCIO DO CONCELLO DE CAMARIÑAS, PROCEDEMENTO DE  SELECCIÓN PARA A CONTRATACIÓN DUN/dunha téCnico/a QUE SE ENCARGARÁ DO DESENVOLVEMENTO E EXECUCIÓN DAS ACTUACIÓNS SUBVENCIONADAS AO ABEIRO DA RESOLUCIÓN DO 4 DE XANEIRO DE 2012, DA SECRETARÍA XERAL DA IGUALDADE

Coma tódolos anos o 25 de xullo o Ariño recibirá a Festa da Praia. Organizado polo Concello de Camariñas este evento comezará ás 12 do mediodía comezará esta festa cunha misa na que actuarán o coro Anduriñas de Xaviña en honor a Santiago Apóstolo. A continuación, e a partir das 2 da tarde aproximadamente, traballadores municipais faran unha gran sardiñada para degustación dos asistentes. As 4 da tarde teremos un hinchable e unha serie de xogos populares para os máis pequenos. Tamén a partir desa hora comezarán as actuacións musicais a cargo do grupo de gaitas Abrindo Rejo, o grupo de gaitas municipal, o grupo de baile municipal e o cantautor Xan Solo. Esperamos que todos e todas nos acompañedes este día no merendeiro e praia do Ariño.

SERGIO CAAMAÑO FERNÁNDEZ
Concelleiro de Urbanismo e Desenvolvemento Local
Concello de Camariñas.
Pz. de Insuela, s/n - 15123 Camariñas - A Coruña.
Tlf: 981737004

• Cartel da Festa da Praia 2012

Cartel da Festa da Praia 2012

O noso querido amigo e usuario Luis Martínez Sierra da na tarde deste xoves 12 de xullo de 2012 unha nova charla sobre doazón de órganos no Centro de Iniciativas Empresariais, sito na Rúa do Prado, ao carón mesmo da... Clínica de Camariñas. Será a partires das 20:00 horas e realizarase en colaboración ca Concellería de Asuntos Sociais. Unha charla necesaria, para informarse dun tema que pode axudar a salvar tantas e tantas vidas de persoas que necesitan dramáticamente un órgano. Sempre é de destacar a colaboración desinteresada e permanente de Luis Martínez Sierra na celebración deste tipo de actos así como da Concelleira Mari Carmen Linares Chica poñendo á súa disposición a axuda municipal necesaria, unha muller que renunciou á dedicación que percibía do Concello e que segue a traballar darreo e cuio exemplo aínda seguimos esperando que empece a ser seguido por algún asesor provincial que cobra anualmente máis de 20.000 euros da Deputación pola noble labor de andar tirado polos bares. Pero non pasa nada: para compensar xa está o Goberno para baixar os salarios aos empregados públicos e botar para a rúa a uns cantos de miles dos mesmos, amén de subir o IVA ao xeral da cidadanía. En definitiva, mellor non pensar demasiado nesto porque si non un xa pode ser que tolee (despois aínda se queixarán os nosos gobernantes: "coño, pero cos sacrificios que estamos facendo, que mal vistos estamos"), e nembargantes sí acudir a esta interesante charla, que xa fai a segunda da colaboración Luis Martínez Sierra en nome de Alcer (Asociación para la lucha contra las enfermedades del riñón)-Concello de Camariñas. Hai que dicir que na primeira das charlas estivo presente un rapaciño de Camariñas que se chama Miguel e que esta semana pasada foi transplantado exitosamente de un riñón. Gracias precisamente a unha doazón.

O Concello de Camariñas organiza un curso de manipulador de alimentos, obrigatorio para desenvolver ocupacións que impliquen a manipulación de produtos alimentarios. A realización do curso está prevista para o mes de setembro e estará condicionada a que se xunte un grupo mínimo de participantes. Tódolos asistentes recibirán un certificado da realización acción formativa.

A Axencia de Desenvolvemento Local do Concello de Camariñas colabora coa Fundación Laboral de la Construcción na organización dun curso de prevención de riscos laborais. Este curso, de 20 horas de duración corresponde ó 2º Ciclo de formación en prevención de riscos laborais, obrigatorio no Convenio de Construción.O curso consta de 14 horas comúns e 6 horas de oficio específico.  O curso será impartido por persoal técnico da Fundación Laboral de la Construcción.

OFERTA DE EMPREGO PARA TRAGSA: Tragsa (Empresa de Transformación agraria S.A.) publicou un anuncio o pasado sábado 23/06/2012 no xornal La Voz de Galicia no que ofertan prazas de, Xefes de brigada incendios forestais (REF:XFIB) e Peóns defensa incendios forestais (REF: PDIF) nos distritos forestais: Do I ó XIX. Prazo máximo de recepción de solicitudes: 4 días naturais dende a publicación do anuncio (remate o 27 de xuño ás 19:00 horas). Dende Camarinas.eu recomendamos aos interesados que se personen na oficina da orientadora laboral do Concello de Camariñas para recabar máis información sobre estes postos de traballo que oferta a empresa TRAGSA. A continuación vos deixamos as condicións para optar a estes postos.

Onte (20/06/2012) realizouse no Concello de Camariñas organizada pola Axencia de desenvolvemento Local unha xornada de prevención de riscos laborais denominada Aula permanente impartida por Mónica López, docente da Fundación Laboral de la Construcción. Esta xornada, de oito horas de duración corresponde ó 1ª ciclo de formación que se establece no V Convenio General de la Construcción é a mínima imprescindible para tramita-la Tarxeta Profesional da Construción (TPC).

Nesta semana, na que remata o curso escolar, en moitas das nosas casas facemos avaliación do que foi o ano. Para moitos e moitas de nós o ano non comeza o 1 de xaneiro senón a primeiros de setembro co trafego dos libros, o material novo, coñecer os profes, nalgún caso o cambio de centro , de compañeiros......

Debido á entrada en funcionamento do horario de verán deste ano 2012 lembrámosvos que entre o 15 de xuño e o 15 de setembro o horario para renova-la tarxeta de demanda ou mellora de emprego no Punto de Información Dixital da Xunta de Galicia instalado na Casa de Pedra de Camariñas é de luns a venres de 8:00 a 14:00. Para calqueira información ou consulta respecto a este tema podedes dirixirvos á Casa de Pedra e preguntar no mostrador de información ou chamar ao seguinte número de teléfono: 981 73 70 04.

Cumprindo ca función de servizo público que inspirou a creación do xigante cibernético da Costa da Morte, Camarinas.eu procede a publicar o calendario de liñas e horarios de autobuses actualizado a xuño de 2012. Estamos a falar dun medio de comunicación, o das liñas regulares de autobuses, ao que o espexismo de benestar e crecemento económico vivido neste país dos nosos pecados ata o 2008 facía presaxiar un futuro nada halagueño. Nestas a maior crise económica dende 1929 fixo aparición co seu fúnebre horizonte de empobrecemento colectivo e, desgraciadamente, este humilde mendio de locomoción volta a reverdecer vellos laureis. En todo caso aquí deixamos publicada de agora e para sempre os horarios e liñas de autobuses relacionados con Camariñas. Así que xa sabedes, cando vos faga falla coller un autobús, non tedes máis que acudir a Camarinas.eu para elexir de entre as opcións existentes aquela que mellor se adate ás vosas necesidades.

A empresa pública de Servizos Agrarios Galegos S.A (SEAGA) vén de publicar no DOG (Diario Oficial de Galicia) do 5 de xuño de 2012 un anuncio polo que fai pública a convocatoria e bases específicas II para a selección e contratación de persoal temporal para a dita empresa nas seguintes categorías profesionais: Enxeñeiro de montes, Enxeñeiro técnico forestal, Capataz, Xefe de brigada, Peón especialista, Peón, Oficial administrativo, Auxiliar administrativo.

A empresa pública de Servizos Agrarios Galegos S.A (SEAGA) publicou unha resolución pola que se convoca á realización da proba física e a apertura do prazo para a presentación de formación baremable. Tede en conta que a esta convocatoria só poden presentarse as persoas que xa estean anotadas con anterioridade nas listas previas de Seaga na categoría e nos perfís profesionais que aparecen na mencionada resolución.

Hai temas serios que non admiten bromas e nos que toda colaboración é pouca. Por exemplo a doación de órganos. Por elo foi un honor para Camarinas.eu contribuir a poñer en contacto ao noso usuario e amigo Luis Martínez Sierra coa concelleira María del Carmen Linares para promover charlas sobre tan importante tema no Concello de Camariñas. Charlas como a que baixo o nome “DOAR ORGANOS É SALVAR VIDAS” tivo lugar o pasado luns 28 de maio na Casa de Pedra. Dito evento, organizado en colaboración coa Asociación ALCER (Asociación para a loita contra as enfermidades de ril) estaba enmarcado dentro do programa “Para tod@s e por tod@os” que ten como  obxectivo dar a coñecer e poñer en valor todo o traballo que se está a facer para mellorar a calidade de vida de certos colectivos. Pero neste caso, a labor da asociación ALCER vai máis alá porque grazas a difusión de campañas coma esta non só pretende mellorar as vidas das persoas afectadas por unha enfermedade renal senón tamén salvar vidas. Ao final asistiron á charla unha treintena de participantes entre os que se atopaban persoas de Camariñas con problemas renais e algúns que estaban preparándose para un transplante. O dito, en temas como este toda colaboración é pouca.

Este SÁBADO 2 de XUÑO levaremos a cabo a andaina aplazada o 6 de maio e consistirá: Saída dende o Pavillón de Ponte do Porto ás 10h, iremos ata a Grixa e dende a Grixa a Pena Forcada e volta outra vez ata a Grixa, pasaremos polo cemiterio vello, atravesaremos a rúa Porto e chegaremos á ponte, depois iremos cara ás Barrosas e dende as Barrosas ata o merendeiro de Lexas e seguiremos polo ruta dos Muiños ata rematar no Centro Cultural de Ponte do Porto. EN TOTAL SERÁN 13QM APROX hora prevista de remate 13´30h.

As persoas anotadas nas listas de vinculacións temporais do Servizo Galego de Saúde segundo a resolución do 26 de outubro de 2011 (DOG 28/10/2011) xa podedes consultar as listas definitivas de admitidos/ as e excluídos /as e os resultados provisionais de baremación dos / as aspirantes admitidos / as co seu número de orde nas seguintes categorías:

Unha delegación do Concello de Camariñas ven de realizar unha viaxe á cidade finesa de Masku no que participaron Ferrol, dous concellos italianos , un sueco e o municipio anfitrión. Por parte de Camariñas asistiron Jacobo Santos, xefe de estudos do IES Pedra da Aguia, Emilio González, axente de desenvolvemento local do Concello de Camariñas, e Cristina Dios e Silvia Tedín, dúas mozas que representaron ao grupo local de Camariñas no proxecto europeo Ypad, Xuventude e Desenvolvemento.