• Día do libro no Concello de Camariñas

    Dende o Concello de Camariñas conmemorarase o Día do Libo a través do proxecto “Libros de Aquí”. A actividade deseñada pola biblioteca municipal pretende divulgar a obra de autores locais así como a de outros que se inspiran no municipio para os seus textos.

  • O Concello de Camariñas estuda un convenio con Correos para o "Mercamariñas"

    Dende o Concello de Camariñas estase a estudar un convenio de colaboración con Correos para ofrecer tarifas especiais e outros beneficios nos envíos das tendas adheridas ao “Mercamariñas”.

  • Rematan as obras en Xaviña

    Os traballos de renovación do pavimento no camiño da Agra de Bouzas e a pista que vai do Pedrouzo a Gándara na parroquia de Xaviña remataron esta semana. Estas dúas  obras estaban cofinanciadas polo Concello de Camariñas e unha subvención de 32.720,82 euros do AGADER (a través do fondo Europeo Agrícola de Desenvolvemento do Rural) que conformaron a contía total que ascendeu a 39.592,19 euros.

  • O colexio de Xaviña podería reconverterse nun Centro de día para Maiores

    Dende o 2020 o colexio de Xaviña deixou de acoller rapaces e rapazas nas súas aulas de forma definitiva e dende entón o edificio careceu de uso, polo menos até o de agora, xa que hoxe, 14 de Abril, a Xunta de Goberno Local acordou ofertar este antigo colexio de Xaviña como un posible Centro de Día para maiores.

  • O Ariño conta con novos asadores.

    Hoxe, martes 23 de Marzo, os operarios do Concello de Camariñas comezaron a instalación dos novos asadores na área recreativa do Ariño. Estes contarán cun tellado e estarán cubertos a tres ventos, terán cheminea, unha billa para permitir o apagado das brasas e unha zona inferior para o depósito das cinzas. Ademais, incorporan un sistema de peche para poder clausuralas cando o Índice de Risco Diario de Incendio Forestal (IRDI) sexa extremo.

    O novo deseño dos asadores xunto coas súas melloras está avalado pola Consellería de Medio Rural, permitindo o seu uso durante a época de risco alto de incendios. Isto débese a que o proxecto presentado polo goberno local, e que se está a por en marcha nestes días, conta coa garantía de seguridade e procedemento técnico necesarios.

    O concelleiro de Medio Ambiente, Sergio Caamaño, destaca que ‘había unha demanda por parte da veciñanza para poder empregar esta área recreativa durante a tempada estival, e desenvolvemos un plan para facelo efectivo de xeito seguro” pero á súa vez lembra que “poderanse utilizar sempre e cando o índice de risco de incendio forestal non sexa extremo”.

    AsadoresAriño_2.jpeg

  • O MerCamariñas xa ten spot publicitario

    A iniciativa do “MerCamariñas” xorde coa intención de adaptar aos vendedores e vendedoras ao comercio electrónico para que así poidan vender os seus produtos a través da internet. Adherirse a esta campaña é totalmente gratuíto e contará co xestionamento técnico da empresa local WP Nordés. Os comerciantes so se terán que encargar dos produtos que poñan á venta e de promocionar o seu espazo nas redes sociais.

  • Catro rutas para esta semana santa

    O alumnado-traballador do obradoiro dual “Camiño ao emprego” da especialidade “Promoción Turística Local e Información ao Visitante” organiza catro rutas para o comezo de Semana Santa.  Estas realizaranse dentro dos concellos participantes na iniciativa: Camariñas, Muxía e Vimianzo.

  • Aprobada a renovacións das luminarias do campo municipal “Irmás Patiño”.

    Na Xunta de goberno local de hoxe, xoves 11 de Marzo, o Concello de Camariñas aprobou o proxecto para a renovación da iluminación do campo de fútbol “Irmás Patiño”. Este conta cun orzamento de 39.974,90 euros e está financiado a través do Plan Único da Deputación da Coruña.

    O proxecto consiste na substitución das catro luminarias que ten cada unha das torres engadindo dúas máis a maiores a cada unha delas. Os novos focos luminosos serán de tecnoloxía LED o que permitirá unha mellor visibilidade nas instalacións, ademais de producir un aforro de aproximadamente un 73% con respecto as luminarias predecesoras.

  • Inicio do reparto de composteiros na segunda fase do “Camariñas Composta”

    Este martes 12 de Marzo iníciase a segunda fase do “Camariñas Composta” co reparto dos composteiros aos participantes deste proxecto. Esta acción realizarase catro puntos nas catro parroquias que compoñen o municipio. O primeiro deles será dende a casa de Pedra en Camariñas pola mañá (dende as 10 horas), o segundo esa mesma tarde na Casa da Cultura da Ponte do Porto (dende as 16 horas). Xa no martes 16 na Casa da Sociedade en Xaviña na quenda de mañá (dende as 10 horas) e por último no museo Man de Camelle ese mesmo día no horario de tarde (dende as 16 horas).

  • O 44% das actuación de Protección Civil durante o 2020 estiveron relacionadas co Coronavirus

    O traballo da agrupación local de Protección Civil de Camariñas céntrase na realización de servizos necesarios para a comunidade ano tras ano. Porén, no 2020 estas tiveran un carácter máis salientable debido a situación sanitaria que se viviu.

  • Da comezo a iniciativa “Actividade Física Saudable”

    O Concello de Camariñas pon en marcha a iniciativa “Actividade Física Saudable” que xorde coa intención de dar a oportunidade de facer deporte de forma presencial e guiada por un monitor a tódalas persoas que queiran desenvolver actividade física.

    As actividades repartiranse en dous bloques de idade: un irá dende 18 até 60 anos e outro estará destinado a persoas maiores de 60. Ao mesmo tempo, estas realizaranse por parroquias, en grupos de catro persoas e seguindo as restricións marcadas polas autoridades sanitarias.

    Deste xeito, os interesados/as poden inscribirse neste programa a partires de mañá, día 9 de Marzo, até o próximo 15 deste mesmo mes mediante o correo electrónico Este enderezo de correo está a ser protexido dos robots de correo lixo. Precisa activar o JavaScript para velo. ou ben chamando ao teléfono 665 134 152, de luns a venres en horario de 9 a 14 horas. Para esta inscrición o solicitante terá que facilitar o seu nome e apelidos, a data de nacemento, a parroquia de preferencia (Camariñas, Camelle, A Ponte ou Xaviña) e a quenda na que prefire asistir (mañá ou tarde).

  • O proxecto "Camiño ao Emprego" inicia as súas tarefas no Concello de Camariñas.

    O pasado 28 de Decembro comezou en Muxía o obradoiro dual de emprego promovido polos concellos de Muxía, Camariñas e Vimianzo. Dirixido por Lidia Varela consta de dúas áreas de acción: “actividades auxiliares en conservación e mellora de montes” e “promoción turística local e información ao visitante”.

  • Volve “O Mar na Escola”

    Dende o ano 2004 os alumnos de 5º e 6º de primaria dos centros educativos do Concello de Camariñas participaron no programa “O Mar na Escola” de forma ininterrompida. Porén, debido a situación sanitaria durante o 2020 este non puido levarse a cabo, mais volve no curso presente tras recibir o permiso da Inspección Educativa.

  • Resolución definitiva das axudas PEL-Reactiva.

    Hoxe, xoves 18 de Febreiro, publicouse no Boletín Oficial da Provincia (BOP) a resolución definitiva , tras o período de alegacións, do plan de PEL-Reactiva dirixido a autónomos e microempresas que padeceron as consecuencias da declaración do estado de alarma o ano pasado.

  • Certame de disfraces de forma telemática no Concello de Camariñas

    O Concello de Camariñas celebrará este ano o “Concurso de disfraces de entroido de Camariñas”, un certame de modalidade telemática con máis de 1.600 euros en premios en forma de vales para consumir en establecementos da vila. Deste xeito búscase dinamizar e promover a economía dos comercios locais, un sector especialmente afectado polas consecuencias da COVID-19.

  • Camariñas poñe en marcha o proxecto “O enxoval da memoria”

    O Concello de Camariñas pon en marcha o proxecto “O enxoval da memoria” que ten como obxectivo coñecer e recuperar manifestacións culturais a través de relatos das persoas maiores.

  • Plan PEL-reactiva no Concello de Camariñas.

    No día de hoxe, 27 de Xaneiro, publicáronse no Boletín Oficial da Provincia (BOP) as resolucións do plan de axuda PEL-reactiva. Con el a deputación dota aos concellos con menos de 50.000 habitantes con fondos para axudar aos seus autónomos e microempresas. Na resolución de hoxe aparecen aqueles beneficiados por este plan.

  • Os Reis Magos entrarán en Galicia polo porto de Camariñas

    Os Reis Magos de Oriente entrarán a Galicia en barco por Camariñas o 5 de xaneiro para repartir regalos e ilusións por todos os fogares. A cabalgata, que arrincará ás 11 horas coa recepción no porto ás Súas Maxestades, percorrerá todas as parroquias ao longo da xornada. A tradicional cabalgata este ano, por mor das restricións sanitarias, non terá paradas nin se lanzarán caramelos pero percorrerá ás rúas do municipio. Para solucionar isto, últimos días os Reis están enviando ás casas de todos os nenos e nenas de Camariñas unha carta e unha bolsa de gominolas.

  • O concello remata as obras de mellora dos accesos do paseo marítimo de Camelle

    O Concello de Camariñas rematou as obras de mellora dos accesos do paseo marítimo de Camelle, que contaron cun orzamento total de 68.232,43 euros. A alcaldesa, Sandra Insua; o concelleiro de Obras, Sergio Caamaño e a concelleira Begoña Tajes acudiron esta mañá ao acto de recepción das mesmas.

  • O Nadal 2020 traerá a Camariñas obradoiros, concertos, contacontos e a visita de Papá Noel e os Reis Magos

    O Concello de Camariñas fixo pública hoxe a programación de actividades para este Nadal, que conta con obradoiros, concertos, contacontos e contempla as visitas de Papá Noel e os Reis Magos. En todas as actividades que sexan presenciais o goberno local optou por crear grupos reducidos como medida de prevención ante a COVID-19 e ademais aplicaranse todas as restricións e precaucións recomendadas polas autoridades sanitarias.