O pasado 23 de Abril foi, como todos os anos, o día do libro e a festividades locais de San Xurxo unha efeméride que tanto a biblioteca municipal como o CEIP o Areal aproveitaron para levar a cabo unha acción conxunta baixo o nome de  “Danza de libros polo San Xurxo. Queres bailar?”.

A iniciativa nace aproveitando o espectáculo de danza (programa Escora) da Deputación da Coruña, programado para o 23 de abril. Os libros bailarán de diferente xeito segundo a súa temática, como por exemplo:

• Os libros de amor bailan en parellas
• Os libros de medo e suspense bailan sos
• Aos libros de aventuras gústalles bailar en grupo
• Os libros de ciencia ficción bailan raro?

Deste xeito, cada curso realizou unha selección de libros segundo a temática que se lle asignou e presentou un mural creativo no que se vían as ideas que lle suxerían cada temática mentres a relacionaban tanto coa danza como coa festividade de San Xurxo.

O reparto da temática para cada curso foi o seguinte:

• Educación Infantil: Contos Infantís

• 1º Primaria: Libros de Ciencias

• 2º Primaria: Libros de Humor

• 3º Primaria: Libros de Aventura

• 4º Primaria: Cómics

• 5º Primaria: Libros de Terror

• 6º Primaria: Libros de Amor

ste martes 4 de xuño de 2019 os nenos e nenas de sexto de primaria dos CEIP de Camariñas e da Ponte do Porto realizaron unha visita ás instalacións de ASPABER (Asociación de Padres de Discapacitados Psíquicos de Bergantiños). Esta visita está enmarcada dentro do programa que está a levar a cabo o departamento de Asuntos Sociais do Concello de Camariñas dirixido aos escolares de todo o municipio para fomentar a inclusión e normalizar a diversidade que existe na nosa sociedade. Os nenos pasarono moi ben e tiveron a oportunidade de coñecer de primeira man todo o gran traballo que esta asociación está a realizar.

A área de Igualdade do Concello de Camariñas, con motivo da conmemoración do Día Internacional da Muller que terá lugar o 8 de marzo, levará a cabo durante o mes de febreiro unha serie de actividades para fomentar a igualdade dirixidas aos estudantes do municipio.

Hoxe, xoves 11 de outubro, a alcaldesa de Camariñas, Sandra Insua, o segundo tenente de alcalde, Juan Carlos Canosa, e os directores do CEIP O Areal e CEIP Ponte do Porto reuníronse co Xefe Territorial de Educación da Xunta de Galicia para solicitar diferentes melloras nos centros educativos do municipio.

O xoves, día 22 de febreiro, celebramos no CEIP O Areal de Camariñas a partires das 12:30h unha carreira solidaria con motivo do día da Paz. Lembrar que esta prova xa fora aprazada polo mal tempo.

A semana do 20 de Febreiro comezan os talleres no CEIP O Areal de Camariñas, por parte da Técnica de Igualdade contratada polo Concello de Camariñas. Os obradoiros van encamiñados a realización de diferentes actividades para o alumnado de 5º e 6º de Educación Primaria e 4º, 5º e 6º de Educación Infantil. Todas as actividades teñen como fío condutor o 8 de Marzo, Día Internacional da Muller.

O Concello de Camariñas vai seguir esforzándose na súa loita pola igualdade entre mulleres e homes e contra a violencia de xénero. Para continuar con este compromiso contratatou unha técnica de igualdade acreditada neste campo para comezar cos traballos ao respecto deste lamentable lacra que azouta a convivencia.

Os alumnos de Educación Primaria do municipio de Camariñas conmemorararon este mércores 8 de marzo o Día da Muller con varios obradoiros no pavillón polideportivo da localidade. Participaron todos os escolares desde primeiro a sexto curso de Primaria dos colexios O Areal de Camariñas e o CEIP da Ponte do Porto e a escola unitaria de Camelle. As actividades comezaron ás dez da mañá e remataron ás dúas da tarde.

O Grupo Soil en colaboración co Concello de Camariñas desenvolverá o 12 de maio a campaña “Recicla con Grupo Soil”nos colexios de primaria de Camariñas ás 10h e de Ponte do Porto ás 12:10h.

Varios alumnos de 6º de Primaria do CEIP O AREAL presentamos uns contos a un concurso de "Microrelatos de La Voz de Galicia". O concurso é a nivel de todo Galicia, e gañará o relato máis votado durante a próxima semana en facebook. A gran dificultade e que competimos con rapaces de 1º,2º,3º e 4º da ESO. O relato gañador levará un premio e ademáis será publicado no xornal.  Por este motivo a continuación poñemos os enlaces dos nosos contos para que os podades ler e se vos gustan os votedes:

O pasado venres 13 de Febreiro celebrouse o entroido no colexio. Ao final desta noticia poderedes ver unha presentación de como íamos disfrazados. Durante as tres primeiras horas houbo clase normal, inda que algúns grupos fixemos actividades relacionadas có entroido ou incluso có San Valentín (Nós os alumnos de 6º de primaria fixemos postais de amor nas que dixemos cousas bonitas aos nosos compañeiros).

Este venres no Colexio de Camariñas tivemos un montón de celebracións relacionadas có Día da Paz no no CEIP O AREAL. Neste ano no que estamos a ver numerosas guerras no Mundo como as de Siria ou Ucrania, quixemos facer moitas actividades como forma de pedir que deixe de haber guerras. A Actividade principal deste dia foi a decoración dun tarro e a plantación dunha planta nel por cada grupo de infantil e de primaria.  Na imaxe da esquerda poden ver a planta de 6º, nela aparecen unhas semillas que forman a palabra amor, e delas saen un montón de flores representando que do amor poden saír cousas moi bonitas. E na foto da dereita podemos ver aos alumnos de 1º realizando a plantación no seu tarro. 

Os alumnos/as do CEIP O Areal de 5º e 6º de Primaria, venderemos rifas durante estos días, polo noso pobo, para recaudar diñeiro para a excursión de fin de curso.

Despois de un trimestre no que traballamos moitísimo, este venres ímonos de vacacións a disfrutar do Nadal. A primeira actividade que fixemos foi un concurso de tarxetas de Nadal, cada alumno/a de primaria e de infantil fixo unha postal relacionada co Nadal. Entre todas elas foi elixida como gañadora a da nosa compañeira de 6º  Marta Antelo Moreira. Postal que será enviada nestes días a todas as familias que teñan nenos no Ceip O Areal.

Durante esta semana os nenos e nenas de 5º e 6º de Primaria estivemos fabricando bólas de nadal de forma artesanal con papel de alumninio, plásticos de cores e cintas. Os nenos de 5º e 6º imos ir de excursión en fin de curso, e xa estamos intentando recaudar diñeiro para poder realizar o viaxe. Xa vendimos polo pobo o número da lotería de Nadal 57.121, que haber si toca!!! E agora ocorréusenos fabricar bólas de Nadal e vendelas aos nosos amigos e coñecidos, por un precio módico de 1€ que nos axude a financiar esta actividade de fin de curso. Esperemos que vos gusten e colaboredes con nós comprando moitas bólas!!! Nas fotos que vos mostramos podedes ver como traballamos na súa elaboración, e tamén como nos quedaron algunhas das bólas. 

O venres día 7 de Novembro, no CEIP O Areal celebramos a festa do Magosto. Dende as 9:30 ata as 12:00 tivemos clase normal e logo saímos ao recreo.Cando rematou o recreo tódolos alumnos/as do colexio fomos ao patio cuberto onde nos situamos por aulas. Alí déronnos os premios (uns xogos para as aulas) aos gañadores das portas máis terroríficas, que foron as de 1º de educación infantil; a de 3º de primaria e a de 6º de primaria. Despois tamén veu unha representante do clube náutico que nos deu os premios duns debuxos que fixemos o ano pasado nunha saída que fixemos os nenos/as de primaria a recoller lixo á praia de Lago. Os gañadores dos debuxos foron Alba Mouzo de 2º de Primaria, Carmen Laura Cabanas de 5º e Vanina Tajes de 6º, déronlles uns libros chulísimos.

Continúa o gran traballo que se está a desenrolar dende o Concello de Camariñas para a promoción turística de todas as parroquias do mesmo. Este martes era a concelleira de Turismo, Sandra Insua Rial, a que presentaba a uns 170 escolares de 4 a 6ª de Primaria dos colexios de Camariñas e da Ponte do Porto a Unidade Didáctica elaborada no marco do proxecto GAC “Camariñas, o mar todo”. A publicación leva por título Descubrindo a cultura mariñeira de Camariñas e ten por obxecto ensinar aos máis pequenos a través de xogos todos os recunchos máis fermosos do concello así coma a tradición máis arraigada da nosa terra como é o Encaixe. Unha gran iniciativa esta de involucrar tanto aos nenos coma aos profesores para a promoción e, sobretodo, o coñecemento da nosa cultura por parte dos máis pequenos.

O Concello de Camariñas presenta mañá nos colexios de Camariñas e de Ponte do Porto a unidade didáctica "Descubrindo a cultura mariñeira de Camariñas", incluída nas accións do proxecto Camariñas, o mar todo. Como non hai nada mellor que aprender primeiro o que é noso, invitamos a todos os nenos de Primaria a vivir a aventura formulada e realizar os exercicios propostos. Un magnífico xeito de gozar aprendendo!

O xoves 30 de Outubro celebramos o Samaín no CEIP O Areal. Fixemos unha exposición de cabazas e vimos uns contos de medo. O pasado xoves tivemos festa no cole. Dende o martes estivemos traendo cabazas ao centro, e o xoves todos os nenos/as baixamos a visitar a exposición. Durante toda a mañán os nenos de 6º de Primaria estiveron mostrando un traballo feito por eles aos compañeiros de infantil e primaria. Este traballo eran uns vídeos de medo feitos por eles, para elaboralos primeiro inventaron un conto, despois fixeron uns debuxos para representalo, e finalmente montaron un vídeo cos debuxos, con música de terror e contándoo coas súas propias voces.

Na mañá radiante pero fría deste venres 12 de febreiro os rapaces do CEIP "O Areal" de Camariñas celebraron a chegada do Entroido cunha gran comparsa de disfraces que recorrío gran parte do noso pobo. Dita procesión comezou sobre as 11 da mañá na porta da escola e baixou pola mítica e ao mesmo tempo destartalada Rúa Calvario ata chegar a zona da praia de Camariñas onde se detuveron un momento para reorganizar as filas. Despois continuaron ata a Praza do Concello onde a infantil comitiva era esperada por varios concellais e un Alcalde que mostraba o seu lado máis humano cando recibíu aos cativos disfrazados. Despois desta recepción os nenos desprazáronse dirixidos polos seus mestres ata o Pavillón Municipal de Camariñas onde se realizaría un pequeno ágape a base de productos típicos destas datas que os mesmos nenos levaron das súas casas. Cabe salientar que este acto foi desarrollado en colaboración mutua polo CEIP "O Areal de Camariñas", a Asociación de Pais de Alumnos do mesmo e o Concello de Camariñas. Cousa que nos agrada xa que todo saíu perfectamente organizado e sin ningún incidente imprevisto.