• Un magnífico spot para levar ao cumio da moda á nosa Mostra do Encaixe

    Este pasado domingo 26 de xaneiro ás 21:00 horas, foi o momento elixido pola producción do spot da XXX Mostra do Encaixe para facer público o spot do evento encaixeiro camariñán que todo o mundo estaba desexando ver. Días antes foi ben enxuagado o espectante público con adiantos calculados a contagotas para ir facendo boca ao tendido que cada vez estaba máis ansioso por ver o resultdo final. Todo estaba perfectamente programado e cunha precisión dun reloxio suizo daban as 9 en punto da noite do domingo 26 de xaneiro e, simultaneamente, publicábase o video no Facebook da Mostra e estreábase a súa flamante páxina web. Ao mesmo tempo, os medios aos que se lle enviara previamente o enlace de descarga nunha nota de prensa "embargada" esperaron a dita hora da estrea e colgaron o brillante spot nas súas redes sociais. Con este plan de acción conseguíuse que o spot da Mostra fora realmente un trending topic durante toda a noite de onte no Facebook. Centos de usuarios compartían o spot dede a páxina de facebook da Mostra conseguindo que, en menos de 10 horas chegara aos 12.000 persoas alcanzadas, o que fai esperar que este spot chegue en poucos días a cifras estratosféricas. Todo un fito que recompensaba todo o inmenso traballo de todo o equipo de producción deste histórico spot que marcará un antes e un despois. Noraboa a todo o equipo que o fixo posible.

  • Video da presentación do cartel da Mostra do Encaixe de Camariñas na Deputación da Coruña

    A organización da Mostra do Encaixe de Camariñas ven de presentar hai uns días por medio do seu canal oficial de youtube un video resumo do acontecido na orixinal presentación do cartel da Mostra 2018 na Deputación da Coruña. Alí, na sala de prensa Juan Gallo era o mesmísimo presidente do ente provincial e todopoderoso señor do PSOE coruñés, noso querido amigo Valentín González Formoso quen recibía, xunto ao alcalde Pichurri e a concelleira Sandra Ínsua, ás palilleiras que se trasladaron dende todo o concello para asistir a tan importante evento. Incluso éstas mesmas palilleiras foron quen de tomar literalmente o hemiciclo donde celebran os plenos os deputados provinciales para agradecer tantos anos de apoio desta institución. Un xesto que tocou o corazonciño do presidente da deputación tal e como lle comentaba a algunhas palilleiras en privado.