Aleman de Camelle

Enter part of title 

Amosar # 5 10 15 20 25 30 50 100 Todos

• ManArteNaufraxios, novas actividades culturais sobre o Alemán de Camelle

  A asociación cultural Dequenquén co patrocinio da Deputación de A Coruña e a colaboración do Concello de Camariñas, organiza as actividades denominadas MarArteNaufraxios vencelladas a figura de Man, co aniversario do seu pasamento e o entorno no que desenvolveu a súa vida cunha exposición sobre naufraxios en A Costa da Morte.

• O Museo Man de Camelle entra a formar parte da prestixiosa ‘European Outsider Art Asociation’

  O Museo Man de Camelle vén de ser aceptado como integrante da ‘European Outsider Art Asociation’, unha asociación europea de museos de arte marxinal que conta con 89 membros en total dos que unicamente 8 son exposicións españolas. No mes de outubro os responsables do Museo Man de Camelle presentaron a candidatura para que a obra de Manfred Gnädinger entrase a formar parte desta asociación co obxectivo de aumentar a difusión da colección do artista alemán afincado en Camariñas.

• A emoción do enterro definitivo de Man, o Alemán de Camelle

  Dicía Mercedes Martín, no acto de homenaxe a Man de Camelle, que o Alemán fora un adiantado ao seu tempo. Quizá fose así. O que si foi é un incomprendido. Como moitos artistas que hoxe admiramos, Man non foi entendido por moita xente coa que compartiu tempo e espacio nos coídos de Camelle. Non era fácil. Nin para el nin para unha sociedade que non entendía nin a súa obra nin o seu modo de vida.

• Todo preparado en Camelle para a homenaxe ao Alemán Manfred con motivo do seu aniversario

  O Concello de Camariñas e o Museo Man de Camelle realizarán este sábado 27 de xaneiro un acto de homenaxe a Manfred Gnädinger (Man de Camelle) co motivo do aniversario do nacemento do artista. Terá lugar na súa Casa-xardín, e se as condicións atmosféricas non o permiten, no primeiro andar do Museo Man de Camelle.

• As cinzas do alemán de Camelle retornan por fin á súa caseta museo do porto camellán

  Despois de 15 anos os restos de Manfred Gnädinger, o lexendario alemán de Camelle, volverán á súa caseta museo do porto camellán para por fin descansar polo resto da eternidade. Así nolo comunicaron esta mañá dende a dirección do Museo Man de Camelle, onde o concelleiro camellán Juan Carlos Canosa está a desenvolver un traballo impresionante de catalogación e conservación de todo o legado do excepcional anacoreta de Camelle. Así, deste xeito, cumprirase o desexo vital do alemán de Camelle que, antes de morrer tráxicamente nas primeiras e penosas xornadas da marea negra do Prestige, deixaría escrito no seu testamento a súa vontade de que as súas cinzas fosen depositadas na propia caseta onde vivía Man e que coroaba o seu mítico museo no porto camellán. Un museo que foi a súa vida e a súa razón de ser neste mundo e por iso quixo deixar claro que ese sería o lugar onde os seus restos deberían descansar para sempre, porque a súa obra non só eran esas pedras e montículos, non só eran esas pinturas e obxectos, se non que o seu propio corpo e a súa mente formaban parte dese máxica obra maestra. Unha obra que a partires do próximo sábado 27 de xaneiro de 2018 exactamente ás 12:00 horas, no día do 82 cumpreanos, quedará finalmente completada co depósito das cinzas de Man nunha furna aos pes da súa caseta tal e como era o seu desexo. Camarinas.eu alí estará para render homenaxe a Man, o alemán que transformaría para sempre a idiosincrasia de Camelle e as súas xentes.

• O Concello de Camariñas conmemmora os 15 anos da morte de Man, o Alemán de Camelle

  Este próximo 28 de decembro cúmprense 15 anos do pasamento de Man, o alemán de Camelle. Na súa honra o Concello de Camariñas quere adicarlle un día especial para conmemorar o seu pasamento con unha serie de actividades para manter viva a súa memoria. Da man do gran artista de Marín Antón Sobral, o día 16 de decembro celebraranse no Museo Man de Camelle as seguintes actividades de acceso gratuíto:

• A recuperación da caseta do Alemán de Camelle xa é unha realidade

  Data histórica para Camelle a deste luns 23 de outubro na que foi rubricado o esperado contrato para a recuperación da caseta de Man de Camelle. A modesta instalación que foi fogar, estudo, museo e laboratorio de todo o mundo máxico de Manfred Gnädinger será rehabilitado gracias á colaboración entre a Deputación da Coruña e o Concello de Camariñas.

• El Concello de Camariñas firma un convenio con la Universidade de Santiago para estudiar el legado de Man

  El Concello de Camariñas acaba de firma un convenio de colaboración con la Universidade de Santiago de Compostela (USC) para analizar el legado documental de Man de Camelle, el Alemán que hizo célebre esta pequeña localidad fallecido hace catorce años. La iniciativa surgió hace unos meses con la visita al museo de César Domínguez Prieto, profesor de Literatura Comparada en la USC, con sus alumnos de la asignatura de Ecocrítica, interesados por el legado del artista, según explicó la directora del Museo de Man, Andrea Serodio.

• O Concello de Camariñas prepara un roteiro para coñecer o legado de Man

  O Concello de Camariñas prepara varias actividades durante o vindeiro mes de abril relacionadas co Alemán de Camelle. Os sábados 8 e 15 de abril levarase a cabo a actividade “Descubrindo a Manfred Gnädinger”, un roteiro de catro quilómetros para coñecer o legado do artista. A saída está prevista para as dez da mañá no Museo de Man e rematará despois das dúas da tarde no xardín museo que construiu o artista.

• O Concello de Camariñas aproba as obras para restaurar a Casa de Man

  A Xunta de Goberno do Concello de Camariñas acaba de aprobar o expediente de contratación para as obras de recuperación da Casa de Man, na localidade de Camelle. O proxecto, que está financiado pola Depuración da Coruña, ten un orzamento de 24.990,42 euros.

• 5 de xuño de 2015, data histórica para Camelle: Inaugúrase o Museo Man de Camelle

  O vindeiro 5 de xuño as 19:00 horas terá lugar a inauguración da exposición permanente “Museo Man de Camelle”, na Casa do Alemán (rúa do Muelle no 9, Camelle, Camariñas). Esta exposición é a culminación do proxecto financiado polo GAC 3 Costa da Morte e o Concello de Camariñas , “MAN: mar, Arte e Natureza”, centrado na posta en valor do porto pesqueiro de Camelle e na recuperación do legado artístico de Manfred Gnädinger, co fin derradeiro de fomentar o turismo na comunidade costeira local.

• Resumo do II Obradoiro MAN: Mar, Arte e Natureza

  O derradeiro fin de semana desenvolveuse en Camelle (Camariñas) o segundo Obradoiro MAN: Mar, Arte e Natureza. Estes encontros encádranse dentro do proxecto de posta en valor do porto pesqueiro de Camelle e na recuperación do legado artístico de Manfred Gnädinger, financiado con fondos europeos a través do Grupo de Acción Costeira 3 Costa da Morte.

• Obradoiros MAN: Mar, Arte e Natureza

  Centrado na posta en valor do porto pesqueiro de Camelle e na recuperación do legado artístico de Manfred Gnädinger, “MAN: Mar, Arte e Natureza”, é un produto turístico-cultural que, a través do Grupo de Acción Costeira 3 Costa da Morte e grazas a financiación con fondos europeos, persigue coma fin fomentar o turismo na comunidade costeira local.

• O Alemán xa ten a súa estatua en Camelle

  O Concello de Camariñas, no contexto do actual proxecto financiado polo GAC “MAN: Mar, Arte e Natureza”, está na procura dunha escultura mimética de Manfred Gnädinger, o alemán de Camelle, polo cal foi convocado o presente concurso.

• Este domingo se clausura una XXV Mostra do Encaixe con gran afluencia de público

  La XXV Mostra do Encaixe de Camariñas se clausura mañana con una gran afluencia de público desde el miércoles, el día de la inauguración. El viernes fue el día de mayor afluencia y se desbordaron todas las previsiones. Durante toda la jornada hubo un lleno total en el recinto y en los desfiles, con colas para acceder a la sala. Y es que las propuestas de los reconocidos diseñadores, entre los que destaca por primera vez Lorenzo Caprile, y las de los diseñadores noveles son muy aplaudidas por el público. Este año destacan diseños innovadores y vanguardistas para introducir el encaje en la moda actual.

• Unha estatua para Man, o artista de Camelle

  Comparado con outras terras, non é Camariñas un lugar moi dado a estatuas. Non digamos por comparanza cunha cidade como Oviedo onde de non andar con ollo un estampará irremisiblemente os fuciños contra calqueira das esculturas que coma fungos brotaron por tódalas rúas e plazas da capital asturiana nestes últimos anos. Ou con megaurbes como Moscú onde sátrapas comunistas, héroes militares, forzudos proletarios ao máis puro estilo do realismo socialista ou, agora, figuras do pasado imperial e relixosos ortodoxos sucédense sen solución de continuidade en xigantescas figuras de pedra e bronce. Non, aquí, apenas unha estatua á muller traballadora e outra á palilleira e xa vai que chuta. Incluso en tempos nalgúns ámbitos baraxárase a posibilidade de erixir un humilde recordo ao gran represaliado por antonomasia do Franquismo en Camariñas, Jacinto Campaña Martínez, fusilado polas tropas nacionais en Luarca un aciago día do lonxano e terrible ano de 1936. Este, como tantos e tantos proxectos, quedou en nada, sen embargo o que sí que parece que arranca con forza é a novedosa iniciativa municipal de erixir un recordo ao maior embaixador artístico que tivo en sorte coñecer o Concello de Camariñas durante o século XX: Manfred Gnadinguer, o Alemán de Camelle, a cuia honra o Concello ven de convocar concurso público para levantarlle unha estatua mimética. Un grande dos nosos acada o seu máis que merecido recoñecemento.

• As novas tecnoloxías fan de “Camariñas, o mar todo” un voceiro virtual dos recursos turísticos
 do litoral camariñán

  O Concello de Camariñas presentou esta mañá os proxectos “Camariñas, o mar todo” e “Desenvolvemento da zona costeira da praia do Ariño”, executados con fondos europeos dos Grupos de Acción Costeira- GAC3 Costa da Morte. O obxectivo de ambas iniciativas foi valorizar os recursos turísticos de Camariñas co mar e a cultura mariñeira como eixo central. 
No acto estiveron presentes a tenente de alcalde e concelleira de Cultura e Encaixe, Sandra Insua Rial; o xerente do GAC3-Costa da Morte, Guillermo González Díez; o concelleiro de Turismo, Sergio Caamaño Fernández; Eugenia Juncal e Pedro Tasende, representantes, respectivamente, de Valora Consultores e Aporta Comunicación, empresas responsables da execución dos proxectos.

• 12º Aniversario da morte do Alemán de Camelle

  Con motivo do decimosegundo aniversario do pasamento do Alemán de Camelle o Concello de Camariñas a través do seu concelleiro Juan Carlos Canosa Marcote veñen de confeccionar unha conferencia que se desenrolará este 28 de nadal de 2014 na Casa do Alemán en Camelle. A charla, que estará tamén integrada no ambicioso programa de actuacións "Man: Mar, Arte e Natureza" contará como protagonista, ademáis de Man, coa Doutora en Belas Artes Carmen Hermo que conducirá o evento. Este está previsto que dea comezo a eso da 12:30 da mañá e no cal teremos ocasión de vislumbrar un pouco millor todo ese gran proxecto que está chamado a revolucionar o concepto turístico que temos da vila de Camelle e, sobretodo, da obra do xenial anacoreta traxicamente desaparecido hai 12 anos. Alí estará Camarinas.eu para contarvos todo o que suceda pero antes aquí vos deixamos unha pequena perla atopada no archivo radiofónico da CRTVG que rescataron dende o proxecto "Man: Mar, Arte e Natureza", unha entrevista realizada polo locutor de radio o camariñán Marcial Mouzo no ano 1986 ao mesmísimo Man.

• MAN: Mar, Arte e Natureza - Comeza a musealización da obra do Alemán de Camelle

  Comeza a vislumbrarse o proxecto durante o que traballaron intensamente durante os últimos anos dende o Concello de Camariñas. "Man: Mar, Arte e Natureza" é o proxecto estrela que, en palabras dos responsables do traballo marcará un antes e un despois na proxección turística da vila de Camelle e na conservación do patrimonio do anacoreta camellán. Un proxecto que comeza a desvelarse pouco a pouco coa presentación da páxina web www.mandecamelle.com que se puxo en marcha hai uns días e que nos mostrou orgulloso un dos principais precursores deste proxecto como é o concelleiro socialista e veciño de Camelle Juan Carlos Canosa Marcote. Unha páxina web que presenta un deseño innovador e uns contidos que se están a publicar día tras día. Esta páxina web será, según nos contan, a punta do iceberg do que representará o proxecto íntegro no que se está a traballar. Pero antes de coñecer todo o total do que suporá esta importante iniciativa para a vila máis norteña do concello deixámosvos con un pequeno resumo do proxecto que promete cambiar a proxección da vila de Camelle hacia o mundo: "Man: Mar, Arte e Natureza"

• Manfred retorna ao seu fogar de Camelle

  Xusto coincidindo co décimo aniversario do seu falecemento, Manfred Gnadinguer retornará ao seu fogar. Para elo traballadores da funeraria de Vimianzo procedían na tarde deste xoves 27 de decembro de 2012 á exhumación do seu cadáver no camposanto camellán e tras a incineración dos seus restos, as cinzas de Man serán soterradas dentro dunha furna ás 20:00 horas deste venres 28 de decembro na que fui a súa casa nun acto solemne que contará ca presencia das máximas autoridades municipais. Comenzará desta forma un amplio programa de actividades denominado "Sempre na nosa memoria" que se extenderá ao longo deste fin de semana como forma de homenaxe e recoñecemento a un artista único e excepcional, aquel cuia alma sensible e eterna non foi quen de soportar as acometidas furiosas dunha oleaxe negra, devastadora e cruel. Xusto neste intre, cando se cumpren dez anos do seu fatídico falecemento, Manfred Gnadinguer, o Alemán de Camelle, ten que seguir na nosa memoria. Agora máis que nunca.

Páxina 1 de 2

• Comezo
• Prev
• 1
• 2
• Seguinte
• Fin