1 1 1 1 1 Rating 0.00 (0 Votes)

Este pasado 6 de febreiro un pouco máis e o Porto de Camariñas parecía o de Rotterdam. Ou o de Sebastópol, base da Flota de Guerra rusa do Mar Negro, ou o de Singapur, ou o de calqueira outra das populosas radas asiáticas narradas no seu día por Joseph Conrad, tal era a aglomeración de embarcacións de todo tipo que se acollían ao seu protector seno. Unha flota poderosa e ameazadora, engrosada por embarcacións chegadas de Muxía, Laxe, Corme ou Malpica, agazapada ao calor das pedras do porto mellor fortificado e seguro da Costa da Morte. Alí certamente os temporais Petra, Nadja ou Qumaira non deixaron signos dunha pegada que noutros puntos municipais sí asinou o habitual rosario de destrozos. Algún incluso non moi lonxe dalí, por exemplo na Mariña Seca do Club Náutico, onde un iate se lles caío con todo o equipo, ou xa con terra de por medio no Paseo de Area da Vila onde algunhas das pedras do seu malecón se desprenderon debido aos golpes de mar. Tan só dentro do porto a seguridade era absoluta, a semellanza do que acontece a cotío en portos míticos e populosos como os de Rotterdam, Singapur ou Sebastópol, cidade ésta, por certo non moi lonxana de Ialta, ambas na Península de Crimea, en cuio paseo marítimo facía Anton Chéjov en "La Dama del Perrito" surxir o seu amor pecaminoso a Anna Serguéievna e Dmitri Gúrov. Si o ambientara no de Area da Vila, igual acababan ambos no mar, cadeliña incluida.

Comentarios   

MIRANDO AO MAR
+2 # RE: 6 de febreiro, outro temporal que asolou CamariñasMIRANDO AO MAR 07/02/2014 17:34
O que nos fai falta é que as forzas da natureza tómense unhas vacacións e os barcos poder saír a pescar ,posto e lóxico que a vida nun porto mariñeiro é o mar e aí esta o noso traballo e o noso salario,o estar o peirao cheo de barcos seria unha felicidade si todos atracasen para descargar as súas adegas cheas de peixes
Denunciar ante o administrador
Para mariñeiros nós
+3 # RE: 6 de febreiro, outro temporal que asolou CamariñasPara mariñeiros nós 08/02/2014 08:56
Titular da Voz de Galicia:
A seguridade no porto de Laxe costará 50 millóns de euros. Pero que maneira de bailar co diñeiro...a seguridade no porto de Laxe, lamentablemente e por natureza é inviable..si melloras pero nunca garantias como ofrece o porto que debería recibir inversións para acomodar a cada vez máis crecente flota que busca un abrigo case seguro, faltan matices. Camariñas debe ser o referente, por lóxica común.
Denunciar ante o administrador
Maria Leis
0 # RE: 6 de febreiro, outro temporal que asolou CamariñasMaria Leis 08/02/2014 18:28
Lo mas seguro en estos momentos es la seguridad de los barcos en puerto ,no tenemos que poner a nuestros familiares a correr peligros ,por muy duro que sea esto a de pasar y luego se sale a pescar
Denunciar ante o administrador

Vostede non ten permisos para comentar nesta noticia.