Escrito por Redacción Camarinas.eu Redacción Camarinas.eu

Categoría: Camariñas e Buría Camariñas e Buría

Created: 03 Febreiro 2013 03 Febreiro 2013

• Sucesos en Camariñas
• Decesos en Camariñas

Twitter

Este sábado 2 de febreiro de 2013 a redacción de Camarinas.eu asistía conmocionada á que foi a morte prematura en plena Rúa do Areal do noso querido amigo Jacinto Campaña Lista, un dos grandes referentes musicais da Camariñas que recén saía da Transición de 1975. O motivo do seu falecemento debíose a un paro cardíaco que fulminaba ao noso compañeiro dunha forma letal cando este se encamiñaba a súa misa diaria preto das 19:30 horas. Ata o lugar do suceso, xusto enfrente do Bar José Manuel, trasladábase de urxencia unha ambulancia medicalizada que tentaba reanimar por tódolos medios a Jacinto. O traballo foi en vano e tan só puido certificar a súa morte. O corpo sen vida do noso querido e sempre alegre amigo está sendo velado no Tanatorio San Vicente de Vimianzo e hoxe domingo celebrarase unha misa de corpo presente adicada á súa memoria ás 17:30 horas. Despois os seus restos mortais serán trasladados ata Coruña onde serán incinerados. Queremos dende aquí dar o noso máis sentido pésame a toda a familia de Jacinto. Sempre quedará na nosa memoria, especialmente añoraremos aquelas animadas conversas musicais sostidas con él, todo un experto co relacionado cos estilos musicais dos 60-70-80, os anos gloriosos do Rock 'n' Roll. Descanse en Paz Jacinto.

• Prev
• Seguinte

Comentarios   

+6 # Estimado Jacinto, D.E.P — Mikel 03/02/2013 19:51

Quero expresar as miñas condolencias a toda a familia de Jacinto pola perda dunha gran persoa. Como ben expresa a crónica do suceso era un gran sabedor da música da época que vivíu e máis. Intelixente como poucos e persoa tremendamente respetuosa con que o respetaba era unha ledicia falar con el e intercambiar perspectivas diferentes de calquer tema que fose. Educado como o que máis e loitador ata o final adaptándose ás deficiencias que padecía por mor da saúde. Sinto moito a perda de Jacinto a pesares de estar premeditada polo fallo cardíaco que non fai moito lle dera outro susto importante. Ultimamente mataba parte do seu tempo o seu tempo, cando o seu estado llo permitía pescando calamares no seu sitio preferido, na lonxa vella e poñía en falta unhas caladiñas dun pitilliño, como el lle chamaba. Que descanses en paz e Dios che teña na gloria querido amigo... Diego, un saúdo.

Denunciar ante o administrador

+6 # RE: Jacinto Campaña Lista DEP — Beldoña 03/02/2013 20:10

DESCANSE EN PAZ, JACINTO. E os meu sentido pésame a súa familia.
Tamén eu teño pasado bos momentos xunto a el, pescando calamares no peirao do Curbeiro. Ere un bo rapaz, e, de veras, sinto que nos houbera deixado.

Aproveito, tamén, a ocasión pa deixar as miñas condolencias ao meu amigo ALEJANDRIÑO, e a TODA SÚA FAMILILA, pola morte DA SEÑORA JOSEFA. Era do tempo da miña nai, e as nosas familias, sempre estiveron moi unidas pola amistade, en especial, cando aínda viviamos no pobo.

Antonio Puertas

Denunciar ante o administrador

Recarregar listaxe de comentarios
Suscrición de novas RSS pra comentarios desta entrada.

Vostede non ten permisos para comentar nesta noticia.

JComments