1 1 1 1 1 Rating 0.00 (0 Votes)

Dona Carmen Lema Mouzo deixou este mundo na tarde do 24 de abril de 2012

Na tarde deste tormentoso martes 24 de abril de 2012 foise outra das persoas que contribuiron decisivamente a marcar o carácter da Camariñas destes derradeiros cincuenta anos: Carmen Lema Mouzo, coñecida popularmente como "A Generosa". Persoa moi emprendedora, nun primeiro momento púxose ao frente dunha taberna que co tempo dou paso a un salón de baile no que destacaba o acordeón virtuoso do seu irmán Luis. Despois nese mesmo local montou unha mercería que durante longos anos foi xa o último negocio que rexentou. Viuva dende hai uns anos de Don Manuel Pensado Gerpe, sempre foi Dona Carmen unha muller moi devota da Virxen do Carmen de Camariñas, chegando a dedicarlle diversos poemas nos que expresaba a súa devoción e cariño pola Patroa de tódolos mariñeiros que reproducimos a continuación neste artigo adicado ao seu pasamento. O enterro de Dona Carmen celebrarase ás 7 da tarde deste mércores 25 de abril na Igrexa Parroquial de San Xurxo de Camariñas. Dende Camarinas.eu queremos expresar as nosas condolencias a toda a familia e amigos de Dona Carmen. Descanse En Paz.


Oración á Virxen do Carmen, por Carmen Lema Mouzo


A miña virxen do Carmen eu a veño a visitar
E a resarlle un rosario que é o que lle podo dar
É tan boa e agarimosa que ela está no seu altar
Pedindo polos mariñeiros que andan por alta mar
Liberaos dos peligros desa gran inmensidad
Dese mar enfurecido e traeos para terra que ti os vas a axudar
A miña filla Lisita que che fui a regalar
Unha corona de plata para lucir no teu altar
Protéxenos madre mía máis non che podemos dar
Vir visitarche á capilla para poderche rezar

Carmen Lema Mouzo

Comentarios   

kinos
-1 # RE: Carmen Lema Mouzo D.E.P.kinos 25/04/2012 14:47
O meu pesame a familia D.E.P Sr.Carmen
Denunciar ante o administrador
Beldoña
-1 # RE: Carmen Lema Mouzo D.E.P.Beldoña 25/04/2012 15:38
Descanse en paz, Señora Carmen.
As miñas condolencias á familia

Antonio Puertas
Denunciar ante o administrador

Vostede non ten permisos para comentar nesta noticia.