Procesión e Ofrenda Floral de San Xurxo 2010

Xentes da Millarenga, do Outeiro, de Mourín, do Cotro, de Pións, do Riás, de Tilleiro e o Cotariño tamén, das terras baixas de Camariñas, emigrantes chegados dende Suiza en avións repletos fletados especialmente para a ocasión: todos eles cara ás 13:00 deste venres 23 de abril de 2010 atopábanse ben no atrio da Igrexa de San Xurxo, ben nos seus arredores, para honrar ao Santo Patrón de Camariñas. O ambiente especial, distinto, que se apodera do epicentro do Concello de Camariñas cada ano nesta sinalada data volvíose a facer notar. E muitos dos anteriormente sinalados, preto das 19:00 dunha radiante e calurosa tarde encamiñáronse cara O Cotro para rendir os debidos respetos a Don Domingo Antonio Rodríguez Canosa, o camariñán que dende o corazón de Buría conquistou México para construir unha igrexa espléndida no pobo da súa alma. Camarinas.eu estivo presente nos dous grandes actos que conforman a gran festa patronal de Camarñas e captou unha impresionante galería fotográfica de 230 imaxes e tres vídeos.